Koronavırýs: 137 qazaqstandyq shetelden PTR-anyqtamasyz ushyp keldi
QR Densaýlyq saqtaý mınıstrligi Sanıtarııalyq-epıdemıologııalyq baqylaý komıtetinen málim etkendeı, ótken táýlikte elimizge barlyǵy 794 jolaýshy ushyp keldi. Onyń ishinde 657-sinde koronavırýsqa PTR-testileýdiń teris nátıjesi bar anyqtama bolǵan. Qalǵan 137-si anyqtamasyz kelgen, olardyń barlyǵy - QR azamattary.
Atap aıtqanda:
- Nur-Sultan qalasynyń áýejaıyna – barlyǵy 4 halyqaralyq reıs qondy, 220 jolaýshy, anyqtamamen – 212, anyqtamasyz - 8;
- Almaty qalasynyń áýejaıyna – 4 reıs, 428 jolaýshy, anyqtamamen - 303, anyqtamasyz - 125;
- Aqtaý qalasynyń áýejaıyna – 1 reıs, 146 jolaýshy, anyqtamamen - 142, anyqtamasyz - 4.
«Anyqtamasy bolmaǵan Qazaqstan azamattary kelgen jerleri boıynsha COVID-19-ǵa PTR-taldaý ádisimen testilendi jáne karantındik statsıonarlarda óz nátıjelerin kútýde», - dedi mınıstrlikten.
Sondaı-aq málim etilgendeı, 24 qańtar kúni koronavırýsqa anyqtamasyz shetelden ushyp kelgen Qazaqstannyń 695 azamatynyń PTR-test nátıjeleri belgili boldy – olardyń eshbirinen qaýipti ınfektsııa anyqtalmady.