Koronavırýs: 123 medıtsına qyzmetkeri ótemaqy aldy
NUR-SULTAN. QazAqparat - 31 shilde jaǵdaı boıynsha COVID-19 nemese vırýstyq pnevmonııa juqtyrǵan medıtsına qyzmetkerlerine tólem jasaýǵa 123 ótinim kelip tústi. Bul týraly QazAqparat Eńbek mınıstrligine silteme jasap habarlaıdy.
Óńirler bólinisinde ótinimderdiń eń kóp sany Almaty qalasynan (46), Almaty (38) jáne Soltústik Qazaqstan (10) oblystarynan kelip tústi. Barlyq kelip túsken ótinimder boıynsha MÁSQ-dan 2 mln teńge mólsherinde birjolǵy tólem júzege asyryldy.
Medıtsına qyzmetkeriniń koronavırýstyq ınfektsııadan, vırýstyq pnevmonııadan qaıtys bolý jaǵdaılary boıynsha MÁSQ-qa ótinimder túsken joq.
Budan buryn habarlanǵandaı, koronavırýs juqtyrǵan 120 medıtsına qyzmetkerine ótemaqy tólendi.
Barlyq ótinimderdi Qazaqstan Respýblıkasy Densaýlyq saqtaý mınıstrligi jınaqtaıdy.
