Koronavırýs: 11-kúnnen keıin naýqastardyń aınalaǵa qaýpi azaıady
NUR-SULTAN. QazAqparat – QR Bas memlekettik sanıtarlyq dáriger Aıjan Esmaǵambetova koronavırýs sımptommen ótip jatqan naýqastardan qaýip qaı kezde joǵary bolatynyn túsindirdi, dep habarlaıdy QazAqparat tilshisi.
«Koronavırýs paıda bolǵanda, ınfektsııanyń qalaı taralatynyn, qanshalyqty juqpaly ekenin, qalaı emdeý kerektigin eshkim bilgen joq. Bul tájirıbeniń barlyǵy jınaqtaldy. 18 mln halyqqa shamamen 1 mln test jasaldy. Test júrgiziletin toptardy únemi keńeıtip otyrdyq. Bul, sımptomsyz naýqastardy anyqtaýǵa kómektesti. Tipti sımptomsyz naýqastar sany kóbeıip, 80% jetti. Álemniń kóptegen elderi mundaı testileýdi áli júrgizgen joq», - dedi Bas sanıtarlyq dáriger Facebook-te ótken onlaın-brıfıngte.
Sonymen birge, spıker sımptomdy naýqastar 11-kúnnen keıin aınalaǵa qaýipsiz bolatynyn jetkizdi.
«Sımptomsyz naýqastardy anyqtaý arqyly ınfektsııanyń qoǵamǵa qalaı taralatynyn baǵaladyq. Jınaqtalǵan tájirıbeler naýqastar aýrý belgileri baıqalǵansha – alǵashqy eki kún, baıqalǵan soń 7 kún aralyǵynda aınalasyna qaýip týdyratynyn kórsetti. ıAǵnı, 11-kúnnen keıin aınalaǵa qaýip azaıady. Bul jerde test oń nátıje kórsetýi de múmkin», - dedi A. Esmaǵambetova.
Buǵan deıin A. Esmaǵambetova jumys berýshilerge PTR-testileýdiń nátıjesi týraly anyqtamany talap etý mindettelmegenin aıtqan edi.
