Koronarlyq arterııany emdeýdiń zamanaýı ádisi: Qazaqstan men Rýmynııa mamandary tájirıbe almasty
ALMATY. QazAqparat – Kardıologııa jáne ishki aýrýlar ǵylymı-zertteý ınstıtýtynda Rýmynııadan kelgen jetekshi ınterventsııalyq kardıolog jáne radıolog Marin Postu qatysýymen rotatsııalyq koronarlyq aterektomııa (rotablatsııa) boıynsha sheberlik saǵaty ótti, dep habarlaıdy QazAqparat tilshisi.
Kardıologııa jáne ishki aýrýlar ǵylymı-zertteý ınstıtýtynyń baspasóz qyzmeti málim etkendeı, sheberlik saǵatyna Almaty qalasy men elimizdiń óńirleriniń rentgenhırýrgteri jınaldy.
«Rotatsııalyq koronarlyq aterektomııa – joǵary jyldamdyqty gaýhar búrikkish aınalmaly burǵy arqyly koronarlyq arterııanyń stenozdy zaqymdanýyn joıýdyń zamanaýı ádisi. Rotablator aterosklerotıkalyq kaltsılengen túıinshekteri bar arterııalardyń ótkizgishtigin qalpyna keltirýge arnalǵan», - dep atap ótti dárigerler.
Kardıologterdiń aıtýynsha, operatsııa kezinde dárigerler júrektiń «qataıǵan» tamyrlaryn burǵylaıdy, olar qubyr tárizdi kaltsılengen ákpen jabylǵan. Rotablatsııasyz stentti tolyǵymen ashý, tamyrdyń tolyq ashylýyn jáne qan aǵymyn qalpyna keltirý múmkin emes.
Rotablatsııa – qatty jáne kaltsılengen aterosklerotıkalyq túıinshekterdi emdeýdiń tıimdi revolıýtsııalyq ádisi. Biraq, protsedýra kúrdeli asqynýlarǵa toly bolǵandyqtan, ony saraptamalyq deńgeıdegi klınıkalarda joǵary bilikti tájirıbeli dáriger jasaý kerek.
«Sheberlik saǵaty aıasynda 2 kún ishinde júrektiń ıshemııalyq aýrýy, koronarlyq arterııanyń sozylmaly okklıýzııasy, kaltsılengen zaqymdanýy bar 50-73 jas aralyǵyndaǵy patsıentterge birneshe operatsııa jasalady», -deıdi Kardıologııa jáne ishki aýrýlar ǴZI basqarma tóraǵasy Marat Pashımov.
Aıtýynsha, medıtsına bir orynda turmaıdy. Sondyqtan, ınstıtýt qyzmetkerleri jetekshi sheteldik medıtsınalyq ortalyqtarǵa baryp tájirbıe almasady.
«Bul – arnaıy tehnıkalar men materıaldardy qoldanatyn óte kúrdeli operatsııa. Barlyq operatsııalar sátti aıaqtaldy. Men munda úıretýshimin dep aıta almaımyn, biz tájirıbe almastyq. Osy salada 10 jyl jumys isteımin. Jańashyldyq – eń zamanaýı materıaldardy paıdalandyq. Negizinde, mundaǵy dárigerler muny qalaı jasaý kerektigin biledi, biraq buǵan deıin olardy is júzinde qoldanbaǵan», - deıdi rýmynııalyq maman.
Rentgendovaskýlıarlyq operblok meńgerýshisi Alekseı Kolesnıkovtyń sózinshe, rotablatsııa koronarlyq arterııanyń kaltsılengen stenozymen naýqastardy endovaskýlıarlyq emdeýdiń balama ádisi bola alady. Bul patsıent úshin barlyq qaýipter men qolaısyzdyqtarǵa toly kólemdi ashyq operatsııadan saqtaıdy.
Teri arqyly koronarlyq ınterventsııalarda rotatsııalyq aterektomııany qoldaný asqynýlardyń damý qaýpin azaıtýǵa, koronarlyq arterııanyń kaltsılengen stenozymen naýqastardyń ómirin saqtaýǵa jáne ómir súrý sapasyn jaqsartýǵa múmkindik beredi, patsıentterdiń emdeýge jatý uzaqtyǵyn qysqartady.
