Korol qalyńdyǵy bolýdan úmitti 65 qyz jol apatynan qaza tapty (FOTO)
ASTANA. QazAqparat - Ońtústik Afrıkadaǵy Svazılend koroldiginde iri jol-kólik apaty saldarynan 65 qyz ajal qushty. Bul týraly RIA Novostı Sınhýa agenttigine silteme jasap habarlandy.
Eki júk kóligi men bir jeńil avtomobıldiń soqtyǵysýy oqıǵasy 28 tamyzda keshqurym bolǵan. Júk kólikterdiń birinde qyzdar bolǵan. Olar jyl saıyn korol rezıdentsııasynda ótetin ulttyq festıvalǵa qatysýǵa bara jatqan. Qyzdar otyrǵan júk kóligi jeńil avtomobılge soǵylǵan. Artynsha júrgizýshisi toqtatyp úlgermegen júk kóligi bulardy qaqty.
"Ýmhlanga" nemese "Tanets trostnıka" ulttyq festıvali segiz kúnge sozylady. Onyń ereksheligi, korol Msvatı III áıelderiniń biri bolýdy qalaıtyn qyzdar bıleıdi. Oǵan jyl saıyn on myńdaǵan qyz qatysady.
