Korneı Chýkovskııdiń nemeresi qaıtys boldy

ASTANA. QazAqparat - Máskeý qalasynda 84 jasyna qaraǵan shaǵynda tanymal ádebıettanýshy, quqyq qorǵaýshy, ǵalym Elena Chýkovskaıa qaıtys boldy, dep habarlaıdy Rosbalt.

Elena Chýkovskaıa 1931 jyly dúnıege keldi. Bilimin MGÝ-diń hımııa fakýltetinde alsa da, kóp ýaqytyn ádebıetke bólgen. 1987 jylǵa deıin elektroorganıkalyq qospalar ǴZI-da jumys istegenine qaramastan, Elena Chýkovskaıa Borıs Pasternak týraly eske alýlardyń avtory bolyp tabylady, onyń kúsh salýynyń arqasynda tanymal atasy Korneı Chýkovskııdiń kúndeligi basyp shyǵaryldy. Budan basqa, ol 1974 jylǵa deıin Aleksandr Soljenıtsyndi onyń KSRO-nan jóneltilýine deıin qoldap otyrǵan.

Ol Korneı Chýkovskııge «Chýkokkala» kitabyn daıyndaýǵa belsendi kómektesken, sodan keıin Peredelkınodaǵy Chýkovskıı atyndaǵy úı-murajaıynyń uıymdastyrýshysy ári birinshi ekskýrsııa jetekshisi bolǵan.

2011 jyly Chýkovskaıa otbasynyń murasyn saqtaǵany úshin jáne HH ǵasyrdyń ekinshi jartysyndaǵy otandyq ádebıetke kórsetken jaýapty kómegi úshin Aleksandr Soljenıtsynniń syılyǵymen atap ótildi.

Elena Chýkovskaıa Peredelkınodaǵy jazýshylar qalashyǵynda ornalasqan zıratta jerlenedi.