Kórnekti túrkitanýshy ǵalym Dmıtrıı Nasılov ómirden ozdy
ASTANA. QazAqparat - Sanaly ǵumyryn ǵylymǵa arnaǵan kórnekti túrkitanýshy ǵalym, M.V.Lomonosov atyndaǵy Máskeý memlekettik ýnıversıteti janyndaǵy Azııa jáne Afrıka elderi ınstıtýtynyń Túrki fılologııasy kafedrasynyń meńgerýshisi, fılologııa ǵylymdarynyń doktory, professor Dmıtrıı Mıhaılovıch Nasılov 83 jasynda ómirden ozdy, dep habarlandy Halyqaralyq Túrki akademııasynyń saıtynda.
Ómiriniń sońyna deıin ónimdi eńbek etken D.M. Nasılov Máskeý memlekettik ýnıversıteti janyndaǵy Shyǵys tilderi ınstıtýtynyń túlegi. Túrik lıngvıstıkalyq qoǵamynyń koorespondent-múshesi, Reseı túrkitanýshylar komıteti tóraǵasynyń orynbasary, «Rossııskaıa tıýrkologııa» jýrnalynyń bas redaktory boldy.
Onyń 1960-shy jyldary jarııalana bastaǵan túrkitaný men altaı til bilimine qatysty eńbekteri dúnıejúzi ǵalymdaryna belgili. Álem túrkologııasyna eren eńbek sińirgen ǵalym 300-den astam ǵylymı eńbek jazyp qaldyrdy.
Aıta keterligi, D.M.Nasılov 2016 jyly Akademııa tarapynan qaıta ázirlenip basylǵan túrkitanýdaǵy irgeli eńbek sanalatyn «Kóne túrki sózdigin» («Drevnetıýrkskıı slovar») qurastyrýshylardyń biri. Ol Túrki akademııasynyń ǵylymı jobalaryna júıeli túrde atsalysyp keldi. Osylaısha, 2016 jyly túrkitaný ǵylymyna sińirgen eńbegi jáne shyǵarmalary arqyly halyqtar arasyndaǵy yntymaqtastyqty nyǵaıtyp, mádenı baılanysty tereńdetkeni úshin D.M.Nasılov Akademııanyń altyn medalimen marapattalǵan edi.
Túrki akademııasy halyqaralyq uıymynyń (TWESCO) basshysy Darhan Qydyráli aýyr qaıǵyǵa ortaqtasyp, ardaqty ǵalymnyń otbasy, jaqyn-týystary men áriptesterine kóńil aıtady.
