Kórnekti til mamany Ahmedı Ysqaqovtyń týǵanyna 100 jyl toldy
ALMATY. 19 qarasha. QazAqparat /Erbol Azanbek/ - Kórnekti til mamany, fılologııa ǵylymdarynyń doktory, professor, QazKSR ǴA korrespondent múshesi Ahmedı Ysqaqovtyń týǵanyna 100 jyl toldy. Osyǵan oraı búgin Abaı atyndaǵy QazUPÝ-da «Qazirgi qazaq grammatıkasy men termınologııasyn zertteýdiń negizgi baǵyttary» atty halyqaralyq ǵylymı-tájirıbelik konferentsııa ótti.
«Qazaq KSR-iniń eńbek sińirgen ǵylym qaıratkeri, Qazaq KSR Memlekettik syılyǵynyń laýreaty Ahmedı Ysqaquly qazirgi Abaı atyndaǵy QazUPÝ-da, A.Baıtursynuly atyndaǵy Til bilimi ınstıtýtynda, Y.Altynsarın atyndaǵy Pedagogıka ǵylymdary ınstıtýynda 60 jylǵa jýyq jemisti eńbek etti. Osy aralyqta onyń til problemalary tóńireginde qalam tartpaǵan máselesi joq: orta mektep pen joǵary oqý ororyndaryna arnap oqýlyqtar, eki júzden astam ǵylymı maqala, monografııalyq eńbekter, nusqaýlyq, ádistemelik men tıptik oqý baǵdarlamasyn jazdy. Qazaq tiliniń leksıkografıkalyq, grafıkalyq, pýnktýatsııalyq, orfografıkalyq, termınologııalyq júıelerin qalyptastyrýǵa kóp jyldar at salysty. Onyń 20 jylǵa jýyq jazǵan «Qazirgi qazaq tili. Morfologııa» atty oqý quraly qazaq grammatıkasy týraly bas kitapqa aınaldy. «Abaı tiliniń sózdigi» men on tomdyq «Qazaq tiliniń túsindirme sózdigi» eńbekteriniń basynda Ahmet Ysqaquly turdy. Qazaq tili ǵylymy salasynda eń bir juldyzy bıik jan bolsa ol - Ahmet Ysqaquly»,- deıdi A.Baıtursynuly atyndaǵy Til bilimi ınstıtýtynyń bas ǵylymı qyzmetkeri, professor Erbol Janpeıisov.
Sharaǵa Ahmedı Ysqaqovtyń shákirtteri, izbasar-áriptesteri akademıkter Á.Qaıdar, R.Syzdyq, fılologııa ǵylymdarynyń doktorlary R.Ámir, T.Januzaq, N.Oralbaı, S.Bızaqov, B.Qalıev, J.Mankeva, S.Kenjebaev qatysyp, sóz sóıledi, estelikter aıtty. Sharaǵa QR Úkimeti janyndaǵy termınologııalyq komıssııanyń músheleri K.ıÝsýp, J.Beısenbaıuly, M.Ahmet, professorlar B.Ábilqasymov, J.Ábýov, A.Jubanov, Á.Júnisbek qatysyp, qazirgi qazaq tili, termınologııa salasy týraly pikir almasty. Konferentsııa qorytyndysy boıynsha materıaldar arnaıy jınaq bolyp basylyp shyǵady.
