Kórnekti shyǵarmashylyq ókilderi týraly kelesi kitabym B. Aıýhanovqa arnalady - I. Serkebaeva
ALMATY. 21 jeltoqsan. QazAqparat - Irına Serkebavanyń Ermek Serkebaev pen Bıbigúl Tólegenova týraly jazǵan kitaptary aldaǵy ýaqyt qazaq, aǵylshyn tilderine aýdarylmaq.
Jazýshylyq qadamyn AQSh-tyń San-Frantsısko qalasy týraly shyǵarmadan bastaǵan ol 2007 jyly «Zapıskı papenkınoı dochkı» áńgimeler toptamasyn, 2009 jyly «Krızıs srednego vozrasta» jınaǵyn shyǵarǵan bolatyn.
«Odan keıin elimizdegi asa kórnekti shyǵarmashylyq ókilderi týraly ómirbaıandyq shyǵarmalar serııasyn jazýǵa bel býyp, bul baǵyttaǵy alǵashqy qadamdy ákemnen bastadym. Ol 2010 jyly «Ermek Serkebaev. I jızn, ı molodost, ı schaste» degen atpen jaryq kórdi. Sol kezde endi Bıbigúl Tólegenova týraly kitap jazam dep ýáde bergen edim. Ony 1,5 jyldyń ishinde júzege asyrdym. Jalpy kitap shyǵarýda ýaqyttyń basym bóligi keıipker týraly maǵlumattardy jınaýǵa jáne ony suryptaýǵa jumsalady. Máselen KSRO halyq ártisi Bıbigúl Tólegenova týraly kitapty materıal daıyn bolǵan kezde 2 aıda jazyp shyqtym», - deıdi Irına Serkebaeva. Onyń aıtýynsha, óz armanyn júzege asyrý eń aldymen qarjyǵa tirelip tur. Eger bári oıdaǵydaı sheshilse aldaǵy ýaqytta Bolat Aıýhanov, Álibek Dinishev, Raýshan Baıseıitova sekildi óner sheberleri týraly ómirbaıandyq shyǵarmalar jazbaq.
