Kórnekti qoǵam jáne memleket qaıratkeri Vladımır Nımen qoshtasý rásimi erteń Almatyda Ǵ.Músirepov atyndaǵy jasóspirimder teatrynyń ǵımaratynda ótedi
ALMATY. Qyrkúıektiń 11-i. QazAqparat - Kórnekti qoǵam jáne memleket qaıratkeri Vladımır Vasılevıch Nıdi aqtyq saparǵa shyǵaryp salý rásimi erteń, qyrkúıektiń 12-sinde saǵat 10.00 men 11.00-diń aralyǵynda Almatyda Ǵ.Músirepov atyndaǵy jasóspirimder teatrynyń ǵımaratynda ótedi. Bul týraly qala ákiminiń baspasóz qyzmetinen habarlady.
V.Nı qyrkúıektiń 9-ynda em qabyldap jatqan sheteldik emhanalardyń birinde kóz jumǵanyn QazAqparat budan buryn habarlaǵan bolatyn.
Ókinishke oraı, birqatar buqaralyq aqparat quraldary asyǵystyq jasap, qoshtasý rásiminiń ótkizilý ornyn qate habarlap jiberip otyr.
