Kórnekti ǵalym R.Nurǵalı atyndaǵy dárishana ashylady - EUÝ-dyń rektory B.Ábdiraıym
ASTANA. Maýsymnyń 1-i. QazAqparat /Arman Asqarov/ - Lev Gýmılev atyndaǵy Eýrazııa ulttyq ýnıversıtetinde QR UǴA akademıgi, Memlekettik syılyqtyń laýreaty, professor Rymǵalı Nurǵalıdyń týǵanyna 70 jyl tolýyna arnalǵan «Rymǵalı Nurǵalı murasy jáne qazirgi ádebıet pen til ǵylymynyń kókeıkesti máseleleri» taqyrybynda halyqaralyq ǵylymı-teorııalyq konferentsııa bastaldy,
dep habarlaıdy QazAqparat.
Konferentsııany ashqan ýnıversıtet rektory Baqytjan Ábdiraıym ǵalymnyń Eýrazııa ulttyq ýnıversıtetinde atqarǵan eren eńbegin erekshe atap ótip, onyń shyǵarmashylyq murasyn ulyqtap, keńinen nasıhattaý jolynda qolǵa alynyp jatqan ıgi sharalarǵa toqtaldy. «Kórnekti ǵalym, qoǵam qaıratkeri Rymǵalı Nurǵalı elimizdiń bilim men ǵylymyna ólsheýsiz úles qosty. Onyń jetekshiligimen kóptegen kandıdattar men doktorlar ǵylym álemine joldama aldy. Aldaǵy ýaqytta biz Eýrazııa ulttyq ýnıversıtetinde Rymǵalı Nurǵalı atyndaǵy dárishanany ashýdy josparlap otyrmyz. Dárishanany ashý saltanaty qyrkúıek aıynda ótetin Til merekesine oraı uıymdastyrylady», - dedi B.Ábdiraıym.
Konferentsııa jumysyna QR Parlamentiniń depýtattary, joǵary oqý oryndarynyń rektorlary, belgili aqyn-jazýshylar, qoǵam qaıratkerleri, sheteldik ǵalymdar qatysýda. Іs-shara aıasynda R.Nurǵalıdiń kitap jáne sýret kórmesi ashyldy.
Rymǵalı Nurǵalı 1940 jyly maýsymnyń 1-i kúni Semeı oblysynyń Abaı aýdanyndaǵy Qaınar aýylynda dúnıege keldi. 1963 jyly Ál-Farabı atyndaǵy (burynǵy S.M.Kırov atyndaǵy) Qazaq ulttyq ýnıversıteti fılologııa fakýltetiniń jýrnalıstıka bólimin bitirgen. «Muhtar Áýezovtiń tragedııalary» taqyrybyna kandıdattyq dıssertatsııa, odan keıin «Qazaq dramatýrgııasynyń janrlyq problemalary» taqyrybyna doktorlyq dıssertatsııa qorǵaǵan. Ol - zertteýshi, synshy, jazýshy, fılologııa ǵylymynyń doktory, professor, QR Ulttyq Ǵylym akademııasynyń akademıgi, Memlekettik syılyqtyń laýreaty. Jazýshynyń "Talant taǵdyry", " Kúretamyr", "Qazaq dramatýrgııasy", "Ónerdiń estetıkalyq nysanasy", t.b. zertteý eńbekteri, " Dán", "Aı qanatty arǵymaq" prozalyq kitaptary jaryq kórdi. R.Nurǵalı abaıtaný máselelerimen aınalysyp, ǵylymı eńbekter jarııalady. "Tragedııa tabıǵaty", " Óner aldy qyzyl til", «Syrly sóz», «Qazaq ádebıetiniń altyn ǵasyry», «M.Áýezov jáne Alash», «Sóz óneriniń estetıkasy», «Alashordashylar» jáne taǵy basqa kóptegen monografııalyq eńbekterinde Abaı men Áýezov shyǵarmashylyq murattaryn, til, uıqas, sóz erekshelikterin salystyra qarastyrdy. "Aıdyn", "Telaǵys", "Qazaq revolıýtsııalyq poezııasy" atty ádebı trılogııasy úshin Abaı atyndaǵy Memlekettik syılyqqa ıe boldy. Sondaı-aq R. Nurǵalı Joǵary mekteptiń úzdik qyzmetkeri (1984), Halyqaralyq aqparattandyrý akademııasynyń akademıgi (1995), Sh.Aıtmatov atyndaǵy halyqaralyq akademııanyń akademıgi (2003), ǵylym salasy boıynsha beriletin Shoqan Ýálıhanov atyndaǵy syılyqtyń ıegeri (2003), Bilim berý isiniń eńbek sińirgen qyzmetkeri (2004), «Joǵary oqý ornynyń úzdik oqytýshysy» (2006), A.Baıtursynov syılyǵynyń laýreaty, «Parasat» ordeniniń, M.Sholohov atyndaǵy jáne basqa da medaldardyń ıegeri.
