Kórnekti jazýshy Maqsat Táj-Murat ómirden ótti

ASTANA. KAZINFORM – Kórnekti jazýshy, esseıst, ádebıettanýshy-ǵalym, fılologııa ǵylymdarynyń kandıdaty, Qazaqstan Jazýshylar odaǵynyń múshesi, Qazaqstannyń eńbek sińirgen qaıratkeri Maqsat Táj-Murattyń dúnıeden ótti. Qaıǵyly habardy  Qazaqstan Jazýshylar odaǵynyń basqarmasy jetkizdi.

Maqsat Ánesuly Táj-Murat 1959 jyly qarashada Atyraý oblysyna qarasty Qosshaǵyl poselkesinde dúnıege kelgen.

1978-1983 j. aralyǵynda QazMÝ-diń jýrnalıstıka fakýltetinde oqyǵan.

1983-1990 jyldar aralyǵynda «Bilim jáne eńbek» jýrnalynda ádebı qyzmetker, «Sotsıalıstik Qazaqstan» gazetinde tilshi, «Gorızont»-«Órken» gazetinde redaktordyń orynbasary, «Jalyn» jýrnalynyń jaýapty sekretary, Qazaqstan LKJO OK jastar buqaralyq aqparat quraldary sektorynyń meńgerýshisi bolyp istedi.

1990-1999 jyldary QazMÝ-diń fılologııa fakýltetinde aspırant, aǵa oqytýshy, dotsent boldy. 1994 j. «Ǵumar Qarashtyń aqyndyǵy» taqyrybynda dıssertatsııa qorǵap, fılologııa ǵylymdarynyń kandıdaty ǵylymı dárejesin aldy.

2006-2007 j. «Qazaq ádebıeti» gazeti bas redaktorynyń orynbasary, 2007-2009 j. «Ana tili» gazetiniń bas redaktory. 2009 jyly Astana qalasyna aýysyp, 2013 jylǵa deıin «Astana» jýrnalynyń bas redaktory bolyp istedi.

Maqsat Táj-Murat «Sháńgereı: jasampazdyq ómiri», «Batys Alash-Orda: bıobıblıografııalyq sózdik tájirıbesi», «Ǵumar Qarash: ómiri men shyǵarmashylyǵy», «Kábısa jyl: zertteý, esse, ádebı tolǵamdar», «Qaharmandyq anatomııasy. Mánshúktiń málimsiz maıdany», «Dımash. Kogda jajdýt krıka» kitaptarynyń jáne merzimdi basylymdar betinde jarııalanǵan júzge tarta maqalanyń avtory.