Kórnekti jazýshy Beksultan Nurjeke 85 jasqa toldy

ALMATY. KAZINFORM – Búgin qazaq ádebıetiniń kórnekti ókili, ult rýhanııatynda ózindik qoltańbasy bar jazýshy Beksultan Nurjeke 85 jasqa toldy. Bul týraly Qazaqstan Jazýshylar odaǵy habarlady.

Beksultan Nurjeke – qazaq prozasynyń damýyna eleýli úles qosqan qalamger. Onyń shyǵarmalary uıǵyr, tatar, eston, ózbek, saha tilderine aýdarylǵan. Orys tilinde «V ojıdanıı» romany jaryq kórse, aǵylshyn tilinde «Kútýmen keshken ǵumyr», «Shyńǵyshan – qazaq jaýyngeri», «Kináli mahabbat» týyndylary jeke kitap bolyp basylyp shyqty.

Qytaıda «Temir qaqpan» atty áńgimeleri men povesteri jaryq kórdi. «Bir ókinish, bir úmit» shyǵarmasy túrik tiline aýdarylyp, kitap bolyp jarııalandy.

Qalamger – Qazaqstannyń eńbek sińirgen qaıratkeri, «Parasat», «Qurmet» ordenderiniń ıegeri, halyqaralyq «Alash» ádebı syılyǵy men Muqaǵalı Maqataev atyndaǵy syılyqtyń laýreaty.

Almaty oblysy men Panfılov aýdanynyń Qurmetti azamaty. «Aı, dúnıe-aı!» romany úshin 2016 jyly Qazaqstan Respýblıkasynyń Memlekettik syılyǵyna ıe boldy. 2019 jyly «Qazaqstannyń Qurmetti jazýshysy» ataǵy berildi.

Qazaqstan Jazýshylar odaǵy mereıtoı ıesin 85 jasymen quttyqtap, denine saýlyq, otbasyna amandyq tiledi.

Aıta keteıik, byltyr Ózbekstandaǵy qazaq jazýshylarynyń onnan astam kitaby jaryq kórdi.