Kórnekti qalamger Qaıym-Munar Tabeev dúnıeden ozdy

ASTANA. KAZINFORM — Kósemsóz sheberi, Halyqaralyq «Alash» ádebı syılyǵynyń laýreaty, Qazaqstannyń Qurmetti jýrnalısi Qaıym-Munar Tabeev qaıtys boldy.

Bul týraly QR Mádenıet jáne aqparat mınıstrligi habarlady.

— Mınıstrlik kórnekti qalamger, kósemsóz sheberi, Halyqaralyq «Alash» ádebı syılyǵynyń laýreaty, Qazaqstannyń Qurmetti jýrnalısi Qaıym-Munar Tabeevtiń mezgilsiz qaıtys bolýyna baılanysty marqumnyń otbasy men týǵan-týystaryna kóńil aıtady. Qaıym-Munar Turdaqynuly qazaq ádebıeti men jýrnalıstıkasynyń damýyna eleýli úles qosyp, el rýhanııaty jolynda qaltqysyz qyzmet etti. Onyń qalamynan týǵan maqalalary, Jeltoqsan oqıǵasy týraly zertteýleri, sondaı-aq ulttyq ádebıetimizdiń qazynasyn baıytqan shyǵarmalary el jadynda máńgi saqtalady dep senemiz. Ultyna adal qyzmet etken abzal azamattyń jany jánnatta, ımany salamat bolǵaı, — delingen habarlamada.

Osydan buryn Qazaqstannyń eńbek sińirgen qaıratkeri Aǵymsaly Dúzelhanov dúnıeden ótkenin jazǵanbyz.