Qorqyttyń danalyq sózderi úsh tilde shyǵady
QYZYLORDA. QazAqparat - Qyzylordada «Qorqyttyń danalyq sózderi» atty kitap úsh tilde shyǵarylady, dep habarlaıdy QazAqparat tilshisi.
Oblystyq ishki saıasat basqarmasynyń basshysy Talǵat Mahanov málimdeýinshe, kitapqa AQSh pen Eýropa elderindegi arhıvterden Qorqyt ata murasy týraly buryn esh jerde jarııalanbaǵan málimetter engizilmek.
«Osy kitapqa qosa Qyzylorda oblysyndaǵy tarıhı jáne mádenı eskertkishter teleatlasy men óńir tarıhy týraly elektrondy oqýlyq nemese jınaq ázirlenedi. Bul joba boıynsha beınemuraǵattarda saqtalǵan Syr óńiriniń tarıhyna, tarıhı-mádenı eskertkishterine qatysty túsirilimder, derekter jınaqtalyp, sonymen birge, aımaqtyq «Rýhanı jańǵyrý» ortalyǵy oblysta ornalasqan tarıhı-mádenı eskertkishter men oryndar, ómir súrgen tarıhı tulǵalar, batyrlar men shaıyrlar, jyraýlar, t.b. týraly el aýzynda júrgen áńgimeler men ańyzdardy jınaqtap, beınematerıaldar ázirleıtin bolady», - dedi T. Mahanov.
