«Qorqyt» toby Bekzat Sattarhanovqa arnap «Dara tulǵa» atty kúı shyǵardy
NUR-SULTAN. QazAqparat – Nur-Sultan qalasy ákimdigi Memlekettik akademııalyq fılarmonııasynyń «Qorqyt» dástúrli saz toby qazaqtyń birtýar uly, juldyzdaı jarq etken sportshy Bekzat Sattarhanovqa arnalǵan «Dara tulǵa» kúıin tanystyrdy, dep habarlaıdy QazAqparat tilshisi.
Qundy týyndynyń aýqymy keń, úsh bólimnen turady: Bekzattyń ómiri, jetistigi, ómirden jarq etip ótken sáti baıandalady. Shyǵarma avtory – Nur-Sultan qalasy ákimdigi Memlekettik akademııalyq fılarmonııasynyń «Qorqyt» dástúrli saz tobynyń kórkemdik jetekshisi, QR Mádenıet qaıratkeri Sholpan Qorǵanbek. Shyǵarmany halyqaralyq baıqaýlardyń laýreaty «Qorqyt» dástúrli saz toby oryndaıdy.
Sholpan Qorǵanbektiń Alashtyń mańdaıyna syımaı ketken Bekzat Sattarhanov týraly shyǵarma jazýyna halyqtyń Bekzatqa degen saǵynyshy sebep bolǵan eken. Oılana kele kompozıtor Bekzat jaıly derekterge kóz júgirtip, tyń týyndyny jazyp shyǵypty.
Aıta ketsek, búgin – Bekzat Sattarhanovtyń ómirden ótken kúni. Boksshysynyń jarqyn jeńisi – 2000 jyly Sıdneıde ótken HHVІІ jazǵy Olımpıadada chempıon atanǵan sáti. Qarsylastary myqty ári kóp edi. Bekzat Sattarhanov qamshynyń sabyndaı ǵana qysqa ǵumyr keshti. 20 jasynda jol apatynan ajal qushty.
Eske sala keteıik, buǵan deıin «Habar» agenttiginiń tapsyrysymen Sıdneı Olımpıadasynyń chempıony marqum Bekzat Sattarhanov týraly kórkem fılm jýyrda, elimizdiń úlken ekrandarynan kórermenge jol tartqan bolatyn.
