Qorqyt Ata ýnıversıtetiniń ǵalymdary kúrish qaýyzynan jeńil beton jasaýdy qolǵa aldy
ASTANA. QazAqparat - Syrboıylyq ǵalymdar kúrish pen munaıdyń qaldyǵyn paıdaǵa jaratýdyń tyń jolyn usynyp otyr, dep habarlady QazAqparat.
Jyl saıyn Syr óńirinde shamamen 40 myń tonna kúrish qaýyzy óndiristik qaldyq retinde qajetke jaramaı qalady. Al, ǵalymdar osy kúrish qaýyzynan arbolıt (jeńil beton túri)jasaýǵa bolatynyn aıtyp otyr. Bul ádis jeńil beton óndirisindegi dástúrli tehnologııamen salystyrǵanda birshama arzan ári ekologııany saýyqtyrýda paıdasy orasan.
Ideıa avtory tehnıka ǵylymdarynyń doktory Sáken Úderbaev tyń jańalyq jaıynda aıtyp berdi. «Jergilikti arzan shıkizattardy qoldanamyz. ıAǵnı jylý ortalyǵynyń kúlin, sonymen qatar ártúrli hımııalyq qospalar, suıyq shyny, kaltsıı hlorıdi. Solardyń mólsherin biz eki ese azaıtyp, arbolıttiń ózindik baǵasyn tómendettik».
Al tehnıka ǵylymdarynyń kandıdaty Nábı Daýjanov temirbeton buıymdaryn óndirýshi kásiporyndar shyǵynyn azaıtýdyń jolyn usynyp otyr. «ıAǵnı beton quımasyn keptirý kezinde kún energııasy paıdalanylady. Ol úshin arnaıy gelıoqaqpaq oılap tabyldy», - deıdi.
Jergilikti ǵalymdar munaı burǵylaý kezinde shyǵatyn qaldyqtardy da paıdaly iske baǵyttaýǵa bolatynyn aıtady. Ádette tonnalap kómir shyǵyndalatyn keramzıt óndirisine endi «qara altyn» qaldyqtaryn qoldanǵan jón.
«Alynǵan tehnologııany biz Oral qalasyndaǵy keramzıt zaýytynda tájirıbelik synaqtan ótkizdik. Ol zaýytta akredıttelgen zerthana bar. Sol zerthana bizdiń alynǵan keramzıtimizdiń quramyna sertıfıkat sáıkestigin berdi. ıAǵnı memlekettik standartqa barlyq fızıkalyq-mehanıkalyq qasıetteri boıynsha saı keledi», - deıdi tehnıka ǵylymdarynyń kandıdaty Roza Narmanova.
Ǵalymdar «Qorqyt ata» atyndaǵy Qyzylorda memlekettik ýnıversıtetiniń zerthanasynda ózge de tyń tehnologııalardy synaqtan ótkizip jatyr.
