Qorqyt ata halyqaralyq áýejaıyna aıyppul salyndy

QYZYLORDA. QazAqparat - Qyzylorda qalasyndaǵy Qorqyt ata halyqaralyq áýejaıyna aıyppul salyndy, dep habarlaıdy QazAqparat.

Tabıǵı monopolııalardy retteý komıtetiniń Qyzylorda oblysy boıynsha departamenti «QJEO» memlekettik kommýnaldyq kásipornynyń «Qazaly-Temirjoljylý» fılıalyna jáne « Qorqyt ata áýejaıy» AQ-ǵa «Tabıǵı monopolııalar týraly « zańnyń 26-baby 2-tarmaǵy, 15-tarmaqshasynda belgilengen mindetti saqtamaǵany úshin aıyppul saldy.

Bul kompanııalar ótken jyly tarıftik smetany oryndamaǵany úshin jazalanyp otyr. Osy úshin Ákimshilik quqyq buzý kodeksiniń 164-baby 5-bólimi boıynsha 2 ákimshilik óndiris qozǵalǵan.

Sýbektiler jalpy somasy 2,5 mln teńge mólsherinde aıyppul tóleýge mindetti.

Qazirgi ýaqytta departamenttiń ákimshilik aıyppul salý týraly qaýlysy zańdy kúshine engen joq jáne sýbektiler oǵan qarsy shaǵym berýge quqyly.

Foto: oldru.kyzylorda-news.kz