Kórikti qala qatal ustazdaı durys júrip-turýǵa baýlıdy — Toqaev tazalyqtyń qoǵamǵa áseri týraly
ASTANA. KAZINFORM — Abattandyrý isine jumsalǵan qarjy — halqymyzdyń bolashaǵyna jasalǵan ınvestıtsııa. Bul pikirdi Memleket basshysy Qasym-Jomart Toqaev Qazaqstan Halyq Keńesiniń birinshi sessııasynda aıtty.
Prezıdenttiń aıtýynsha, sáni men sáýleti jarasqan qala keńistigi qatal ustaz sııaqty artyq aqyl aıtyp, dilmársimeı-aq durys júrip-turýǵa baýlıdy.
— Tazalyq azamattarymyzdy óz qadir-qasıetin sezinýge úıretip, erteńge degen senimin kúsheıtedi. Munyń bári — bir-birimen baılanysty dúnıe. Kóshedegi tazalyq pen tártip qoǵamdy jasampazdyqqa qulshyndyryp, áleýmettik optımızmdi oıatady. Saıyp kelgende, eldiń ál-aýqatynyń artýyna yqpal etedi, — dedi Qasym-Jomart Toqaev.
Biz áleýmettik masyldyqtan arylyp, jaýapty seriktestikke túbegeıli kóshýge jaǵdaı jasaýymyz kerek.
— Eldegi ózgeris qarapaıym isten bastalady. Turǵyndary isker, belsendi ári jańashyl ákimdi saılaǵan berekeli aýyldan, óz úıiniń máselesine beı-jaı qaramaıtyn múlik ıeleri birlestiginiń tatý-tátti tirshiliginen, azamattarǵa sharapaty tıgen volonterlik jáne qaıyrymdylyq bastamalardan kórinedi, — dedi Memleket basshysy.
Buǵan deıin Qasym-Jomart Toqaev eldi kórkeıtýge árbir azamat atsalysýy kerektigin aıtqan edi.
Sondaı-aq Prezıdent tazalyqty ulttyq brendke aınaldyrý keregin aıtty.
