Kórikti Altaı týraly serıal túsirilgen jer týrızmnen on kúnde 25 mlrd teńge tabys tapty

ASTANA. KAZINFORM — Qytaı qazaqtarynyń turmys-tirshiligi jaıly «Meniń Altaıym» shaǵyn telehıkaıasy túsirilgen ásem tabıǵat jergilikti týrızm salasynyń damýyna jańa serpin bergen.

Altxw.com saıtynyń habarlaýynsha, «Meniń Altaıym» serıaly túsirilgen Býyrshyn jáne Qaba aýdandaryna týrıster kóptep kele bastaǵan. 

Statıstıkaǵa sensek, 7-17 mamyr aralyǵynda Býyrshyn aýdany 445,5 myń saıahatshy qabyldap (+68,04%), týrızm salasyndaǵy tabysy 402 mln (24,666 mlrd teńge) ıýan boldy (+64,15%). 

Al Qaba aýdanynda eki aıǵa (mamyr jáne maýsym) qonaq úılerde bos oryn joq. 

Aıta keterligi, 2020 jyly «Kók toǵaıdaǵy shopan áni» atty án Qytaıda tanymal bolyp, Altaıdyń Kóktoǵaı aýdanyna qytaılyq týrıster kóptep aǵylǵan bolatyn.

Eske salaıyq, «Meniń Altaıym» atty 8 bólimnen turatyn telehıkaıa 7 mamyr kúni Qytaı Ortalyq Televızııasy CCTV-1 telearnasynda kógildir ekranǵa shyǵyp, alǵashqy kúni-aq qaralymy birinshi orynǵa shyqqan.

Sondaı-aq, Qytaıdyń onlaın vıdeo platformasynda telehıkaıany lǵashqy eki kúnde 10 mıllıonnan asam adam tamashalaǵan. 

«Meniń Altaıym» telehıkaıasy jazýshy Lı Jıýýannyń shyǵarmalar jelisi boıynsha túsirilgen.

Basty rólderde qytaılyq tanymal akter Ma Iılı jáne Chjoý Iran, shyńjańdyq qandastarymyz Alma men Qaırat oınaıdy.