Qorqyt ata, Oralhan Bókeı, Nurlan Balǵymbaev: Astanada kóshe ataýlary beriledi
ASTANA. KAZINFORM – Elordada ataýy joq jáne jańadan salynǵan kóshelerge tanymal tulǵalar men jer-sý ataýlary beriledi.
«2023 jyly tamyzda máslıhat sessııasynda qaladaǵy keıbir kóshelerge tulǵalar jáne jer-sý ataýlaryn berý týraly usynysty qoldaǵan bolasyzdar. Atalǵan usynystar respýblıkalyq onomastıkalyq komıssııanyń qaraýyna joldanyp, bıyl 24 qańtarda oń sheshimin tapty», - dedi Astana qalasy tilderdi damytý jáne arhıv isi basqarmasy basshysynyń mindetin atqarýshy Dosjan Isabek qalalyq máslıhattyń otyrysynda.
Onyń aıtýynsha, atalǵan tulǵalar men jer-sý ataýlary Mádenıet jáne aqparat mınıstrliginiń onomastıka komıssııasy qoldanýǵa usynylǵan tizimder qatarynda bar.
Elordanyń máslıhat depýtattary kóshe ataýlaryn biraýyzdan qoldady.
Sonymen qatar spıker Astana kóshelerine beriletin tulǵalar men jer-sý ataýlaryn tizip shyqty.
Almaty aýdany boıynsha:
Oralhan Bókeı – belgili jazýshy, dramatýrg, jýrnalıst QR Memlekettik syılyqtyń laýreaty;
Syrbaı Máýlenov – aqyn, QR Memlekettik syılyqtyń laýreaty;
Ámen Qaıdarov – qazaq mýltıfıkatsııa óneriniń negizin qalaýshy, sýretshi, kıno rejısser, professor;
Buıraq – Aqtóbe oblysyndaǵy shatqal ataýy;
Aqtekshe – Jetisý oblysyndaǵy eldi meken ataýy;
Kendirli – Kaspıı teńiziniń ońtústik shyǵysyndaǵy shyǵanaq ataýy;
Keńsaz – Qaraǵandy oblysy Jańaarqa aýdanyndaǵy ózen ataýy;
Qarashyǵanaq – Batys Qazaqstan oblysyndaǵy eldi meken ataýy, Qazaqstandaǵy eń iri munaı-gaz ken orny ataýy;
Qımasar – Almaty taýlary shatqaly ataýy;
Qoıtas – Ortalyq Qazaqstandaǵy taý ataýy;
Tasótkel – Aqmola, Aqtóbe, Jambyl oblystaryndaǵy eldi meken ataýlary;
Maımeken – Shyǵys Qazaqstan oblysyndaǵy ózen ataýy;
Muzafar Álimbaev – aqyn, aýdarmashy jáne ádebıettanýshy.
Baıqońyr aýdany boıynsha:
Jýrnalıster saıabaǵy – Egemen Qazaqstan kóshesiniń boıynda ornalasqan saıabaq;
Esil aýdany boıynsha:
Nurlan Balǵymbaev – QR Memlekettik qaıratkeri, QR burynǵy Premer-Mınıstri;
Shubartaý – Shyǵys Qazaqstan oblysyndaǵy eldi meken ataýy;
Nura aýdany boıynsha:
Táttimbet – kúıshi, kompozıtor, dombyrashy, shertpe kúı mektebiniń negizin qalaýshylardyń biri;
Qorqyt ata – túrki halyqtaryna ortaq uly oıshyl, jyraý, qobyzshy.
