22:30, 02 Naýryz 2025 | GMT +5
Kórkem júzýden Parıjdegi Álem kýbogynda Qazaqstan taǵy bir medal aldy
ASTANA. KAZINFORM - Búgin Frantsııa astanasy Parıjde ótip jatqan kórkem júzýden jyldyń alǵashqy Álem kýbogynda Qazaqstan quramasy taǵy bir júldege qol jetkizdi.
Naqtyraq aıtsaq, Artýr Maıdanov pen Valerııa Stolbýnova juby erkin baǵdarlamada kúmis medal jeńip aldy.
Bul Qazaqstan qorjynyna túsken 3-júlde. Osyǵan deıin Vıktor Drýzın men Edýard Kım jekeleı synda tuǵyr satysyna kóterildi. Parıjdegi jarysta el namysyn barlyǵy 24 sportshy qorǵady.
Esterińizge sala ketsek, osyǵan deıin qazaqstandyq sportshy Vıktor Drýzın ártistik júzýden Frantsııanyń Parıj qalasynda ótip jatqan álem kýbogynyń kezeńinde altyn medal jeńip alǵanyn jazǵan bolatynbyz.