«Kórkem» TK qurylysynda qaıǵyly oqıǵadan zardap shekken 7 adam ambýlatorııalyq em alýǵa jiberildi
ASTANA. QazAqparat - Turǵyn úı kesheni qurylysyndaǵy tótenshe oqıǵa kezinde zardap shekken 7 adam ambýlatorııalyq em alýǵa jiberildi, dep habarlady Astana TJD baspasóz qyzmetinen.
«Búgin jańa salynyp jatqan «Kórkem» TK-de 18 adam zardap shegip, 11-i aýrýhanaǵa jatqyzyldy, jeteýi tekserýden ótkennen keıin ambýlatorııalyq em alýǵa jiberildi», - delingen habarlamada.
Eske sala keteıik, búgin tańerteń «Kórkem» turǵyn úı kesheniniń qurylys alańynda metall konstrýktsııasy opyrylyp qulaǵan bolatyn . Nátıjesinde 18 adam zardap shekti.
