«Kórkem» TK-degi oqıǵa tehnıka qaýipsizdigin saqtamaý saldarynan oryn alǵan - QR ÓDM
ASTANA. QazAqparat - «Kórkem» TK oqıǵa tehnıka qaýipsizdigin saqtamaý saldarynan oryn alyp otyr, dep habarlaıdy QR Óńirlik damý mınıstrliginiń baspasóz qyzmetinen.
«2014 jyly 5 sáýirde saǵat 9.10-dar shamasynda Astana qalasynyń Orynbor men Almaty kósheleri qıylysatyn aýdanda «Kórkem» TK obektisinde (2-kezek (D blogy) jumyskerler sylaq jumystaryn júrgizip jatqanda, ýaqytsha qosalqy konstrýktsııa qulady, nátıjesinde 18 adam zardap shekti.
Sonymen qatar ýaqytsha qosalqy konstrýktsııa ǵımarattyń bóligi emes, bul qurylǵy jumyskerler bıiktikte qurylys jáne montajdaý jumystaryn júrgizer kezde ǵımarattyń syrtyna ornatylady.
Qurylys jáne montajdaý jumystary aıaqtalǵannan keıin ýaqytsha qosalqy konstrýktsııalardy paıdalanbaıdy.
Atalmysh oqıǵa tehnıka qaýipsizdigin saqtamaý saldarynan oryn aldy, bul QR Óńirlik damý mınıstrligi Qurylys jáne turǵyn úı-kommýnaldyq sharýashylyq isteri komıtetiniń quzyretine jatpaıdy», - dep jazylǵan habarlamada.
