Kórkem gımnastıkadan qazaqstandyqtar halyqaralyq týrnırde 4 altyn aldy
QYZYLORDA. KAZINFORM - Majarstan astanasy Býdapeshte ótken kórkem gımnastıkadan 28-shi Gracia Fair Cup halyqaralyq týrnırinde Qazaqstan quramasy 4 altyn, 1 kúmis jáne 1 qola medal jeńip aldy.
El quramasynan Aıbota Ertaıqyzy men Erıka Jaılaýova Qazaqstan qorjynyna 4 altyn medal saldy.
Jekeleı synda Aıbota Ertaıqyzy dop, lenta jáne urshyqpen óner kórsetýde des bermeı, 3 jattyǵýda altynnan alqa taqty. Al Erıka Jaılaýova shyǵyrshyq jattyǵýynda chempıon atandy.
Al kópsaıysta Aıbota kúmis (125,2 ball), Erıka qola júldeger (122,25 upaı) atanǵan.
Sondaı-aq munda ulttyq qurama sapynan Mılana Parfılova 4-shi, Zere Baqytjanqyzy 6-shy, Aıym Meıirjanova 7-shi satyǵa turaqtady.
Eske salsaq, budan buryn hokkeıden «Barystyń» kapıtany Roman Starchenko rekord ornatty.
