Kórkem gımnastıkadan Qazaqstan spartakıadasynyń jeńimpazdary anyqtaldy
NURSULTAN. QazAqparat - Búgin, 14 mamyrda elordada kórkem gımnastıkadan Qazaqstan spartakıadasy aıaqtalyp, jeńimpazdar men júldegerler anyqtaldy. Jekelegen kópsaıysta ulttyq qurama múshesi Adılıa Tilekenova chempıon atandy, dep habarlaıdy Olympic.kz.
Jarys qorytyndysy boıynsha Tilekenova 72.450 upaı jınady. Kúmis medaldi Nur-Sultan ókili Aıdana Shakenova (71.000 upaı), qola júldeni jasóspirimder Olımpıadasynyń qatysýshysy, shymkenttik Roza Abıtova (69.500 upaı) ıelendi. 
Aıta ketý kerek, komanda úzdigi Alına Ádilhanova jaraqatyna baılanysty jarysqa qatysqan joq. 
Komandalyq synda (jekelegen baǵdarlama) Nur-Sultan sportshylary 371,150 upaımen top jardy. Ekinshi oryndy Shymkent, úshinshi oryndy Almaty qalasynyń komandasy enshiledi.
