Kórkem gımnastıkadan Qazaqstan quramasy Tashkenttegi Álem kýbogynda kúmis medal aldy
ASTANA. KAZINFORM — Qazaqstan ulttyq quramasy Ózbekstannyń Tashkent qalasynda ótip jatqan Álem kýbogy kezeńinde júldegerler qatarynan kórindi. Bul týraly Ulttyq olımpıada komıteti málim etti.
Toptyq jattyǵýlarda sportshylarymyz kúmis medalǵa qol jetkizdi. Kópsaıys qorytyndysy boıynsha Qazaqstan quramasy 51,25 upaı jınady. El namysyn Aızere Nurmaǵambetova, Aızere Keńes, Krıstına Chepýlskaıa, Aıda Hákimjanova, Jasmın Júnisbaeva jáne Madına Myrzabaı qorǵady.
Birinshi oryndy 55,90 upaımen Qytaı quramasy ıelense, Belarýs gımnastary 51,10 upaımen úshinshi orynǵa turaqtady.
Búgin, 12 sáýirde, jekeleı jattyǵýlar boıynsha fınaldyq básekeler ótedi.
Eske sala keteıik, buǵan deıin Aqmaral Erekesheva Frantsııadaǵy Gran-prı kezeńinde qola júlde alǵan bolatyn.
