Kórkem gımnastıkadan Azııa chempıonatynda taǵy bir medal qorjynǵa tústi

ASTANA. KAZINFORM - Sıngapýrde ótip jatqan kórkem gımnastıkadan Azııa chempıonatynda Qazaqstan quramasy taǵy bir altyn medalǵa qol jetkizdi.

Qurlyqtyq dodada qazaqstandyq gımnastshylar toptyq jattyǵýda birinshi oryn aldy. Olar fınalda qursaý men doppen jatyǵýda úzdik kórsetkishke qol jetkizdi.

Tóreshiler sheshimimen qazaqstandyq gımnastshylar 26,65 balǵa qol jetkizdi. Ekinshi oryndaǵy Ózbekstan - 25,15. Ońtústik Koreıa - 24,25 ball jınady.

Aıta ketsek, qazirge deıin Aıbota Ertaıqyzy lentamen óner kórsetý saıysynda chempıon atansa, jekeleı syndaǵy kópsaıys qorytyndysynda ol tórt jattyǵý boıynsha qola medal alǵan edi.

Sondaı-aq kórkem gımnastıkadan Qazaqstan quramasy kópsaıystan tuńǵysh ret altyn medal aldy.