Kórkem gımnastıkadan Azııa chempıonaty: Qazaqstan toptyq kópsaıysta júlde aldy
ASTANA. KAZINFORM – Kórkem gımnastıkadan Qazaqstan quramasynyń ókilderi Bishkekte (Qyrǵyzstan) ótip jatqan Azııa chempıonatynda qola júldege ıe boldy.
Otandastarymyz toptyq kópsaıysta úzdik úshtikten kórindi. QR UOK málimetinshe, bul baǵdarlamada el namysyn Aızere Nurmaǵambetova, Aızere Keńes, Krıstına Chepýlskaıa, Aıda Hákimjanova, Jasmın Júnisbaeva jáne Madına Myrzabaı qorǵady.
Qazaqstandyq gımnastar jarys qorytyndysy boıynsha 52,85 upaı jınady. Altyn medaldi Ózbekstan quramasy jeńip aldy - 53,95 upaı. Qytaı quramasy 53,8 upaımen kúmis júldeger atandy.
Osylaısha, Qazaqstan quramasynyń qorjynynda úsh medal bar. Buǵan deıin Aıbota Ertaıqyzy jekeleı kópsaıysta kúmis júlde ıelense, ulttyq qurama komandalyq kópsaıysta da ekinshi oryn alǵan bolatyn.
Aıbota Ertaıqyzy kórkem gımnastıkadan Azııa chempıonatynyń kúmis júldesin jeńip alǵanyn jazǵan edik.
