Kórkem gımnastıkadan álem chempıonaty Qazaqstan atynan kimder barady

ASTANA. KAZINFORM — Brazılııanyń Rıo-de-Janeıro qalasynda 20-24 tamyz aralyǵynda kórkem gımnastıkadan álem chempıonaty ótedi.

Qazaqstan Ulttyq Olımpıada komıtetiniń habarlaýynsha, Qazaqstan quramasy bul dúbirli dodada jekeleı jáne toptyq jattyǵýlarda óner kórsetedi.

Jekeleı synda Aıbota Ertaıqyzy men Aıym Meıirjanova baq synaıdy.

Al toptyq jattyǵýlarda Aıda Hakimjanova, Aızere Keńes, Jasmın Júnisbaeva, Krıstına Chepýlskaıa, Aızere Nurmaǵambetova jáne Madına Myrzabaı júlde úshin synǵa túsedi.
Eske salsaq, budan buryn Aqmaral Erekesheva kórkem gımnastıkadan ekinshi márte jasóspirimder arasyndaǵy álem chempıony atandy.

Aqmaral doppen jáne lentamen jattyǵýda altyn medal alsa, sheńbermen jattyǵýda kúmis júldege ıe boldy.