Kórkem gımnastıkadan ÁCh-da Qazaqstan taǵy bir altyn aldy
NUR-SULTAN. QazAqparat –Taılandta kórkem gımnastıkadan Azııa chempıonaty aıaqtaldy, dep habarlaıdy QazAqparat.
Ulttyq Olımpıada komıtetiniń málimetine sáıkes, kópsaıysta Aıbota Ertaıqyzy 4-i boldy. Al Eljan Tanıeva 7-i nátıje kórsetti.
Jekeleı birinshilikte Eljan Tanıeva lentamen jattyǵý kórsetýde úzdik shyǵyp, altyn medal jeńip aldy. Sondaı-aq ol urshyqpen jattyǵýdyń fınalynda kúmis júldeger boldy.
Aıta keteıik, osydan bir kún buryn Qazaqstan komandasy toppen jattyǵý jasaýda altyn medal ıelengen edi. Sportshy qyzdarymyz sheńbermen óner kórsetýde 30 ball alyp, top jardy. Kórkem gınastıkanyń bul túrinde «kúmis» Ózbekstanǵa, «qola» Japonııaǵa buıyrdy.
