Kórkem gımnastıka: Lıtsenzııalyq týrnırge kimder barady
ASTANA. KAZINFORM – Erteń, ıaǵnı 2 mamyr kúni Ózbekstan astanasy Tashkent qalasynda kórkem gımnastıkadan lıtsenzııalyq Azııa chempıonaty jalaýyn jelbiretedi. Atalǵan dodada qazaqstandyq sportshylarda baq synaıdy.
QR Sportty damytý dırektsııasynyń baspasóz qyzmeti málim etkendeı, Sary qurlyq básekesinde el namysyn 8 sportshy qorǵaıdy.
Jekeleı syn:
Eljana Tanıeva
Aıbota Ertaıqyzy
Toptyq jattyǵý:
Aıaýlym Kádir
Arýjan Qalsaeva
Aqsuńqar Ábdirahman
Baıan Qoıbaqar
Marııa Kornıenko
Sofııa An.
Esterińizge sala keteıik, osydan báraz kún buryn Ulttyq quramanyń bas bapkeri KAZINFORM tilshisine suhbat berip, lıtsenzııalyq týrnırge sport shylardyń daıyndyǵy jaıynda aıtyp bergen bolatyn.
«Alda lıtsenzııalyq Azııa chempıonaty kele jatyr. Onda bir joldamaǵa Qazaqstan, Qytaı jáne Japonııa sportshylary talasady. Sondyqtan bizdiń sportshylarymyzǵa artylǵan mindet aýyr. Qazirgi tańda lıtsenzııalyq týrnırge baratyn sportshylarymyz óz josparlary boıynsha daıyndalyp jatyr. Olımpıada joldamasyna eki sportshymyz talasady. Onyń biri Eljana Tanıeva jáne Aıbota Ertaıqyzy. Biz lıtsenzııa alýǵa bar kúshimizdi salamyz», - degen edi bas bapker Álııa Maqsutqyzy.
