Kórkem gımnastıka: Qazaq qyzy halyqaralyq týrnırdiń kúmis júldegeri atandy
ASTANA. QazAqparat - Qazaqstandyq sportshy Alına Ádilhanova Rıgada ótken kórkem gımnastıkadan «Baltic Hoop 2018» halyqaralyq týrnırinde kúmis júldeni jeńip aldy, dep habarlaıdy QazAqparat.
QR UOK-niń taratqan málimetterine súıensek, qazaqstandyq sportshy lentamen óner kórsetý barysynda barlyq jattyǵýdy sátti oryndap, 14900 upaımen ekinshi orynǵa ıe boldy. Al atalǵan saıysta bas júldeni bolgarııalyq Katrın Tasevaǵa buıyrsa (15600), úzdik úshinshi orynǵa taǵy bir bolgarııalyq arý ıÝlııa Evchık qol jetkizdi (14850).
Jarystan keıin tilshilerge suhbat bergen kórkem gımnastıkadan Qazaqstan quramasynyń bas bapkeri Alııa ıÝsýpova: «Bul bizdiń bıyl halyqaralyq jarystardaǵy alǵashqy júldemiz. Jarysqa myqty sportshylar qatysty. Alına Ádilhanova - endi-endi áıelder gımnastıkasynda óner kórsetip júrgen jas gımnastshymyz», - dep atap ótti.
Foto: olympic.kz
