Kórkem gımnastıka: Astanada jasóspirimder arasynda ashyq chempıonat ótip jatyr

ASTANA. KAZINFORM – Búgin elorda tórinde kórkem gımnastıkadan dástúrli túrde uıymdastyrylatyn jasóspirimder arasyndaǵy ashyq chempıonat bastaldy. Atalǵan týrnırde Pavlodar, Temirtaý, Astana, SQO, Qaraǵandy, Jambyl, Almaty qalalarynan kelgen 12 klýbtyń gımnasshylary baq synap jatyr. 

10-11 aqpan aralyǵynda «Beeline Arena» sport kesheninde 400-ge jýyq jas sportshy jeke jáne toptyq jattyǵýda óz sheberlikterin kórsetedi. Báseke 4 jastan 16 jasqa deıingi aralyqty qamtıdy.

Týrnırde tek júlde sarapqa salynyp qoımaı, ár gımnasshy sporttyq razrıadtaryn qorǵaıdy. Astana qalasynda ár 3 aı saıyn irikteý saıystary ótkizilip, respýblıkalyq, halyqaralyq dodalarǵa myqtylar iriktelip otyrady.

«Statıstıkaǵa nazar aýdarsaq, 4 jyl buryn qalamyzda kórkem gımnastıkadan 6 mektep bolsa, qazir onyń sany 15-ti qurap otyr. ıAǵnı, bul degenimiz qalamyzda kórkem gımnastıka qarqyndy damyp kele jatyr degen sóz. Jaqyn kúnderi Halyqaralyq Olımpıada federatsııasynan álemdik deńgeıdegi jarys ótkizýge usynys hat keldi. Buıyrsa naýryz aıynyń ortasynda Qazaqstan kórkem gımnastıka federatsııasymen birigip, týrnır uıymdastyrmaqshymyz. Bundaı deńgeıde báseke Astanada 10-15 jyl bolǵanyn eskersek, sportshylardyń sheberlikterin arttyrýǵa keremet múmkindik týyp otyr»,  - deıdi Alem halyqaralyq kórkem gımnastıka mektebiniń basshysy Ásem Ahmetjanova.

Aıta keteıik, jarystyń ashylý saltanaty barysynda 4 jas sportshyǵa sporttyq razrıad berildi.