Kóripkel Vanganyń úıi kelýshilerge esik ashty
ASTANA. QazAqparat - Rýpıtte kóripkel Vanganyń úıi jóndeýden keıin kelýshiler úshin ashyldy. Munda ol ómiriniń sońyna deıin turǵan, dep jazady Rosbalt.
«Vanganyń úıiniń kelýshiler úshin ashylýy - Bolgarııa úshin aýqymdy oqıǵa. Vanga adamdarǵa úmit beredi degen senim bar, sondyqtan olar munda alǵys sezimimen jáne ǵajaıyptar bolady degen úmitpen keledi», - dep málimdedi «Vanga» qorynyń tóraǵasy Ivan Dramov.
Ol Vanga úıiniń 1996 jyly onyń óliminen keıin jabylǵanyn aıtty. Ótken jyldyń qarasha aıynda úıdi jóndeý jumystary bastalǵan. Onda bári bastapqydaǵydaı qalpyna keltirildi.
«Úı ishindegi jaǵdaı da Vanganyń zattarynyń kóshirmesindeı etip qoıylǵan, al olardyń túpnusqasy Petrıch murajaıynda. Úıge qoıylǵan jıhaz, ıkonalar men onyń súıikti qýyrshaqtary qoldan jasalǵan», - dedi ol.
Aıta keterligi, kelýshiler Vanganyń úıine tegin kire alady.
