Kóripkel boljamy: Boıng-777 ushaǵy 1 táýlikten keıin tabylady
ASTANA. QazAqparat - Mońǵol astrology Ts.Nıamdorj 8 naýryzda 239 jolaýshysymen iz-tússiz joǵalyp ketken malaızııalyq Boıng-777 ushaǵy 1 táýlikten keıin tabylady dep boljap otyr, dep jazady news.mongolnow.com.
«Anyǵyn aıta almaımyn, biraq ushaq teńiz túbinde jatqanyn bilemin. Ushaqtyń synyqtary sol teńizdiń jaǵasynan tabylady» dep qosty kóripkel.
Tilshiniń «Ushaqtaǵy 239 jolaýshynyń bári tabyla ma?» degen suraǵyna ol: «Ondaǵy bir de bir adam tiri qalǵan joq» dep jaýap berdi. Malaysia Airlines áýekompanııasynan habarlaǵandaı, Kýala-Lýmpýrdan Beıjińge shyqqan ushaqtyń ishinde Qytaıdyń 153 azamaty, olardyń ishinde bireýi bala, Malaızııanyń 38 azamaty, 12 ındonezııalyq, 6 avstralııalyq, 3 frantsýz, 4 amerıkandyq, onyń ishinde bireýi bala, Ýkraına, Jańa Zelandııa jáne Kanadan eki-eki adamnan, Reseı, Italııa, Taıvan, Nıderlandy jáne Avstrııadan bir-bir adamnan bolǵan. Al 12 ekıpaj múshesi jaıynda Malaysia Airlines ázirge eshqandaı aqparat taratpaı otyr.
