Kórineý jalǵan aqparat bergeni úshin Soltústik Qazaqstan turǵyny sottaldy
PETROPAVL. QazAqparat - Soltústik Qazaqstan oblysynda tergeý barysynda kórineý jalǵan aqparat bergeni úshin 37 jastaǵy aýyl turǵyny sottaldy, dep habarlaıdy «QazAqparat» HAA tilshisi SQO ІІD baspasóz qyzmetine silteme jasap. Taıynshy aýdanynda naýryz aıynda zeınetkerge qaraqshylyq shabýyl jasalǵan. Polıtseıler qylmysty ashqan.
Shabýyl jasaǵan Kellerovka aýylynyń 1982 jáne 1975 jylǵy turǵyndary ustap, sottaǵan. Olar óz kinálaryn tolyqtaı moıyndap, protsessýaldyq kelisim jasalǵan. Olardyń biri múlki tárkilenip, jalpy rejımdegi túzetý kolonııasynda 3,5 jyl jazasyn ótese, ekinshisine probatsııalyq baqylaýmen 3,5 jylǵa bas bostandyǵynan aıyryldy.
Taıynshy AІІB bastyǵynyń orynbasary Marat Ahmetbekovtyń aıtýynsha, bul QR QK 420-baby «Kórineý jalǵan aqparat berý» boıynsha aýdandaǵy birinshi qylmystyq is. Sottyń úkimimen aýyl turǵynyna 5 jyl bas bostandyǵynan aıyrý jazasy taǵaıyndaldy.
