Kórińder meniń kim ekenimdi: Danııar Eleýsinovtiń Monte-Karlodaǵy sózi

ASTANA. QazAqparat - Qazaqstandyq boksshy Danııar Eleýsinov (4-0, 2 KO) Monte-Karloda (Monako) profı-rıngtegi  kezekti aıqasy aldynda uıymdastyrylǵan baspasóz máslıhatynda sóz aldy, dep habarlaıdy Sports.kz.

24 qarashada Danııar  Monte-Karloda (Monako) Casino de Monte Carlo Salle Medecin oıyn-saýyq kesheninde nıkaragýalyq Karlos Mohıkamen (16-2-2, 12 KO) jekpe-jekke shyǵady.

«Maǵan bul oryn unaıdy. Munda birinshi ret kelip otyrmyn jáne sońǵysy bolmaıtyndyǵyna senemin. Maǵan ár elde, ártúrly jandardyń aldynda bokstasý unaıdy. Senbi kúni meni kórý úshin kelińizder!»,- dedi Eleýsinov.

Danııar sońǵy jekpe-jegin 20 qazanda Bostonda (AQSh) ótkizdi. Ol alǵashqy raýndta amerıkalyq boksshy Metta Doertıdi (8-6-1, 4 KO) nokaýtqa túsirdi.