«Kórinbeıtin úkimet» ár adamnyń qajettiligi men múddesin eskeredi - Álıhan Smaıylov
Іs-sharaǵa Armenııa úkimetiniń basshysy Nıkol Pashınıan, Belarýs úkimetiniń basshysy Roman Golovchenko, Qazaqstan Premer-Mınıstri Álıhan Smaıylov, Qyrǵyzstan úkimetiniń basshysy Aqylbek Japarov, Reseı úkimetiniń tóraǵasy Mıhaıl Mıshýstın jáne Ózbekstan úkimetiniń basshysy Abdýlla Arıpov qatysty.
Kún tártibine tórt másele qaraldy. Olar - GovTech sheksiz memlekettik qyzmetter, FinTech ıaǵnı tranzaktsııalardy ońtaılandyrý, jańa tehnologııalar men ІT bıznes.
QR Premer-Mınıstri óz sózinde Qazaqstan Úkimeti jyl saıyn elimizdiń JІÓ-degi jańa tehnologııalar úlesin ulǵaıtý úshin barlyq qajetti sharalardy iske asyryp jatqanyn atap ótti.
Olar negizinen tsıfrlyq transformatsııaǵa, ІT salasyna qolaıly jaǵdaı jasaýǵa jáne adamı kapıtaldy damytýǵa qatysty.
Álıhan Smaıylov EAEO elderiniń ІT naryǵyn damytýǵa mýltıplıkatıvtik áser berý úshin senimdi platforma qajet ekenin aıtty.
Bul turǵyda jergilikti jáne aımaqtyq deńgeıde belsendi oıynshyǵa aınalǵan Astana Hub tehnoparkiniń múmkindikterin keńinen paıdalanýǵa bolady.
Sonymen qatar Premer-Mınıstr «Innovatsııalyq tehnologııalar parki» derbes klasterlik qory búginde Qazaqstannyń ónerkásiptik kásiporyndary men IT naryǵyn biriktiretin ekojúıe qurǵanyna toqtaldy.
Jalpy qor iske kirisken jyldardan bastap ındýstrııa 4.0, geologııa, metallýrgııa jáne basqa salalarda quny $36 mln-nan asatyn 187 jobany qarjylandyrdy.
«Elderimizdiń tehnologııalyq ınkýbatorlarynyń ózara is-qımylyn birtindep damytý mańyzdy», - dedi Álıhan Smaıylov.
Úkimet basshysy qazirgi ýaqytta Qazaqstan FinTech jáne GovTech-jobalaryn júzege asyrýdy qamtıtyn memlekettik basqarýdyń tsıfrlyq transformatsııasy baǵytyn ustanyp otyrǵanyn atap ótti.
Jalpy, onyń aıtýynsha, memlekettiń ashyqtyǵy men bıznes tehnologııasynyń arqasynda respýblıkada tsıfrlyq saladaǵy kúndelikti ómirde qoldanylatyn naqty nátıjelerdiń joǵary deńgeıine qol jetkizildi.
«Tsıfrlandyrý - elimizdiń barlyq azamattary úshin teń múmkindikter men ádilettilikti qamtamasyz etýdiń mańyzdy quramdas bóligi», — dedi ol.
Jalpy, ol sońǵy jyldary Qazaqstan elektrondy úkimettiń damý deńgeıi boıynsha aıtarlyqtaı ilgerileýge qol jetkizgenin atap ótti.
BUU reıtınginde respýblıka 39-shy orynnan 28-shi orynǵa (2018 jyldan bastap) kóterilip, pozıtsııasyn jaqsartty, al onlaın-servısterdiń qosalqy reıtınginde – 16-shy orynnan 8-shi orynǵa kóterilip, álemniń úzdik 10 eliniń qataryna endi.
Bul rette Premer-Mınıstr ıntegratsııany kúsheıtýdiń jáne jalpy eýrazııalyq aýqymdaǵy jobalardy iske asyrýdyń mańyzyn aıtty.
Onyń aıtýynsha, osy istiń tusaýkeseri - Almatydaǵy Eýrazııa ekonomıkalyq odaq sheńberinde iri tsıfrlyq bastamalardy qalyptastyrý jáne júzege asyrý alańy Tsıfrlyq quzyretter ortalyǵyn qurý.
Sondaı-aq Álıhan Smaıylov QR Úkimeti memlekettik basqarýdy tsıfrlandyrýdyń Invisible Government sapaly jańa tujyrymdamasyna kóship jatqanyn aıtty, onda memlekettik saıasat adamnyń qajettilikteri men múddelerin eskeriletin bolady.
Nátıjesinde bul proaktıvti memlekettik qyzmetterdi engizýge serpin beredi.
«Bul rette negizgi tásilderdiń biri – qyzmet kórsetýdiń mýltıplatformalyq qaǵıdaty. ıAǵnı, memleket «tar jer» modelinen alshaqtap, bızneske memlekettik qyzmetterdi óz platformalary men tsıfrlyq ekojúıelerine ıntegratsııalaýǵa múmkindik beredi. Mundaı tásildiń paıdaly zor», - dedi Premer-Mınıstr.
Qorytyndylaı kele Álıhan Smaıylov baılanystyń qoljetimdiligi men sapasyn arttyrý, sondaı-aq transshekaralyq elektrondy qujat aınalymyn damytý taqyryptaryna toqtaldy.
Meımandarǵa eGOV Mobile, Smart Data Ukimet, Smart Industry Management Platform iri jobalary, tehnoparkter, sondaı-aq birqatar startap, atap aıtqanda, onynshy synyp oqýshysy Sholpan Amankeldiniń ozon qabatynyń jaı-kúıin, jerge jaqyn ǵarysh keńistigindegi astronomııalyq qozǵalystardy zertteýge jáne jer silkinisin boljaýǵa arnalǵan «Venus-Sat.kz» nanospýtnıgi» jobasy tanystyryldy.
