«Qoryqtym»: kýáger Nurbekova nelikten polıtsııaǵa habarlaspaǵanyn aıtty
TALDYQORǴAN. KAZINFORM – Jetisý oblysynyń qylmystyq ister jónindegi mamandandyrylǵan aýdanaralyq sotynyń ǵımaratynda Sherzat Polattyń ólimine baılanysty sot otyrysy ótip jatyr.
Sot otyrysynda qazir kýáger Elmıra Nurbekova jaýap berip jatyr. Jábirlenýshi taraptyń advokaty E.Nurbekovadan oqıǵadan keıin nelikten qylmys týraly habarlamaǵanyn surady.
- Men bilmedim ǵoı. Eshteńe isteı almadym. Sol sátte men ózim qorqyp turdym, – dedi kýáger.
Sot otyrysy barysynda prokýror oqıǵadan keıin «777» dúkenine kirgen kezde nelikten zań ókilderine habarlaspaǵanyn kýágerden taǵy surady.
- Sol sátte men qoryqtym. Danamen Talǵarǵa jetkennen keıin birden polıtsııaǵa baryp, aıtamyz dep oıladym, – dedi Elmıra Nurbekova.
Buǵan deıin sotta Sherzattyń ákesi Qarjaýbaı Nurymov ol kıkiljiń qalaı bastalǵanyn aıtqan edi.
Sondaı-aq Qarjaýbaı Nurymov Sherzattyń qashan jan tapsyrǵanyn aıtty.
Sherzattyń anasy Gúlbara Beıshembıeva da qaıǵyly oqıǵa qalaı bolǵanyn eske aldy.
Eske salaıyq, prokýror oqıǵanyń tolyq hronologııasyn baıandady.
Aıyptalýshylardyń kópshiligi kináni moıyndaǵan joq.
Byltyr 4 qazan kúni tóbelesten 16 jastaǵy jasópirim qaıtys bolǵanyn jazǵan edik.
2024 jyldyń 12 qazanynda qara jamylǵan otbasynyń úıi órtenip ketti. Almaty oblysynyń Polıtsııa departamenti bótenniń múlkin qasaqana joıý faktisi boıynsha is qozǵady.
2024 jyldyń jeltoqsan aıynda Talǵar mańynda Sherzat Polattyń aǵasy óli tabyldy.
Bıyl aqpan aıynda Sherzat isine qatysty qylmysty tergeý aıaqtaldy. Qylmystyq is 62 tomnan turady. Tergeý barysynda 40 sot saraptamasy júrgizilip, shamamen 200 kýágerden jaýap alynǵan.