Qoryq qyzmetkeri Qyzyl kitapqa engen jyrtqysh ańdy sýretke túsirip aldy
ASTANA. KAZINFORM — Ústirt memlekettik tabıǵı qoryǵynyń aǵa ǵylymı qyzmetkeri Qazaqstannyń Qyzyl kitabyna engen jyrtqysh ań - qaraqulaqty sýretke túsirip aldy. Bul týraly Ústirt memlekettik tabıǵı qoryǵy habarlady.
— 2025 jyl sáýir aıynyń 21 kúni Ústirt memlekettik tabıǵı qoryǵy ǵylym, aqparat jáne monıtorıng bóliminiń aǵa ǵylymı qyzmetkeri A.Pýlatov Ortalyq Azııadaǵy iri mysyqtardy zertteý, qorǵaý jónindegi halyqaralyq joba aıasynda Ońtústik Ústirt pen Ónere aralyǵynda júrgizgen ǵylymı ekspedıtsııa kezinde Qazaqstannyń Qyzyl kitabyna engen jyrtqysh ań qaraqulaqty sýretke túsirdi, — delingen habarlamada.
Qaraqulaq-Karakal-Felis caracal — mysyqtar tuqymdasyna jatatyn jyrtqysh ań. Denesiniń uzyndyǵy 65–82 sm, quıryǵynyń uzyndyǵy 25–30 sm, salmaǵy 11–13 kg. Qulaǵynyń syrtqy jaǵy túgeldeı qara jáne qulaǵynyń ushynda uzyn shashaqtary bar. Arqasy qońyr sary, baýyry aqshyl sary. Qazaqstannyń shól, shóleıtti aımaqtarynda jáne taý ańǵarynda kezdesedi. Olar osyndaı aýdanda tirshilik etýge beıimdelgen. Qumdy jerde jaqsy júre alady, óıtkeni tabandary júndi keledi.
Aıta ketelik Almaty taýlarynda qonjyqtarymen birge serýendep shyqqan qońyr aıý vıdeoǵa túsip qalǵan edi.