Qorǵaý nusqamasy turmystyq zorlyq-zombylyqtyń aldyn alady – aǵa ınspektor

NUR-SULTAN. QazAqparat – Qorǵaý nusqamasy zorlyq-zombylyqtyń aldyn alady. Bul týraly áıelderdi zorlyq-zombylyqtan qorǵaý tobynyń aǵa ınspektory Gúlmıra Shyrahmetova baspasóz konferentsııada aıtty, dep habarlaıdy QazAqparat tilshisi.

Aǵa ınspektordyń aıtýynsha, keıde turmystyq zorlyq-zombylyq kórgen áıel polıtsııa qyzmetkerlerine shaǵym jasamaı-aq joldasyn keshire salady, keıde erli-zaıyptylar sot zalynda tatýlasyp jatady.

«Áıelder baq-bereke, tynyshtyqty jaqsy kóredi, sol sebepti ózine kúsh kórsetken jubaıyn keshire salady. Mundaı jaǵdaıda agressormen profılaktıkalyq áńgimelesý bolady, ıaǵnı otbasyny esepke alyp, bir aı boıy profılaktıkalyq jumys júrgiziledi. Qorǵaý nusqamasy turmystyq zorlyq-zombylyqtyń aldyn alady», - deıdi Gúlmıra Shyrahmetova.

Onyń aıtýynsha, osy jyldyń úsh toqsanynda 6 myńnan astam erli-zaıyptyǵa nemese burynǵy erli-zaıyptyǵa qatysty qorǵaý nusqamasy shyǵaryldy. Osy kezeńderde 164 balaly áıel Daǵdarys ortalyǵyna ornalastyryldy.

áıelderdi zorlyq-zombylyqtan qorǵaý toby qorǵaý nusqamasy shyǵarylǵan adamdardy baqylaýda ustaıdy. Zardap shegýshimen baılanysta bolyp, jábirleýshi ony mazalap júrgen-júrmegenin anyqtaıdy. Osyndaı jumystardyń nátıjesinde qorǵaý nusqamasyndaǵy erejelerin buzǵan 78 fakti anyqtaldy.