«Qorǵastaǵy» jaǵdaıdy kim turaqsyzdandyryp otyr? - respýblıkalyq basylymdarǵa sholý
***
«Egemen Qazaqstan» basylymynyń jazýynsha, kóktemgi egis jumystaryn júrgizý úshin aýylsharýashylyq taýaryn óndirýshilerdi dızel otynymen qamtamasyz etý máseleleri sheshilse, oǵan qajettilik 360 myń tonnany quraıdy. AShTÓ úshin dızel otynynyń elimiz boıynsha jetkizý baǵasy lıtrine 81 teńgeni qurasa, bul rynoktaǵy baǵadan on-on bes paıyzǵa tómen bolyp otyr. Aýylsharýashylyq tehnıkasy daıyndyǵynyń qarqyny byltyrǵy deńgeıden joǵary kórsetkishke jetken. Aǵymdaǵy jyly egis jumystaryna 2,7 myń birlik joǵary ónimdi egis keshenderi qatyspaq. Bul qysqa agrotehnıkalyq merzimde dándi daqyldardyń egis alqabynyń jartysyn sebýge múmkindik týǵyzady. Qazirgi tańda ońtústik óńirdiń aýylsharýashylyq qurylymdary kóktemgi egis jumystaryn júrgizýdi bastap ta ketken. Maıly daqyldar - 26, kóp jyldyq shópter - 52, al kókónis-baqsha daqyldary men kartop 18 paıyz egis alqaptaryna egilgen. Keshe Premer-Mınıstr Kárim Másimovtiń tóraǵalyǵymen ótken selektorlyq rejimdegi Úkimet otyrysynda kóterilgen bul máseleler «Egemen Qazaqstan» basylymynyń búgingi sanynda «Kóktemgi egis - jaýapty jumystar kezeńi» atty taqyryppen basyldy.
Sondaı-aq osy basylymnyń jazýynsha, 7 sáýirde Syrtqy ister mınıstri Erjan Qazyhanov bastaǵan Qazaqstan Respýblıkasynyń delegatsııasy Saýd Arabııasy Koroldiginiń astanasy Er-Rııad qalasynda boldy. Sapar aıasynda qazaqstandyq syrtqy saıasat mekemesiniń basshysy Saýd Arabııasynyń Syrtqy ister mınıstri
Saýd Ál-Feısalmen kelissóz júrgizdi. Taraptar ekijaqty qarym-qatynastardyń qazirgi jaǵdaıy men ózara qyzyǵýshylyq týdyrǵan halyqaralyq jáne aımaqtyq máselelerdi talqyǵa salyp, eki el arasyndaǵy yntymaqtastyqtyń aldaǵy damýyna qatysty sharalardy, sonyń qatarynda ınvestıtsııalyq salany qozǵady. Úlken delegatsııalarmen almasý boıynsha jáne bıylǵy kúzde Er-Rııadta úkimetaralyq komıssııanyń kezekti otyrysyn ótkizýge baılanysty ýaǵdalastyqqa qol jetkizdi. Sonymen qatar, memleketter arasynda tikeleı áýe baǵyttaryn ashýdyń múmkindigin qarastyrdy. Atalmysh sapar barysynda atqarylǵan ister týraly «Egemen Qazaqstan» basylymynyń búgingi sanyndaǵy «Saýd Arabııasyna sátti sapar» atty maqalada.
***
Qazaqstannyń Kedendik baqylaý komıtetiniń jańa basshysy «mafııany» anyqtaǵan! Májıt Esenbaev tipti oǵan kiretinderdiń aty-jónderine deıin bilip alǵan desedi. Mınıstrler kabınetiniń keshegi jıynynda komıtet basshysy quzyrly organdardan «Qorǵastaǵy» jaǵdaıdy «shaıqaltyp» jatqan 50-60 adamdy tekserý kerektigin málimdedi. Bas kedenshini qatty tańǵaltqany, álgilerdiń bári jappaı qyzmettik vızaǵa ıe eken. Osyǵan oraı M.Esenbaev Úrimshidegi konsýldyq qyzmetten bul «jomarttyqtyń» mán-jaıyn bilýdi surady. Aıtpaqshy, tártipti qataıtý aıasynda endi jeke adamdardyń kedennen, alym-salyqsyz, qaptaǵan kıim-keshek syndy teń-teń júk alyp ótýine de tosqaýyl qoıylmaq. Bul týraly «Aıqyn» basylymynyń búgingi sanyndaǵy «Qorǵastaǵy» jaǵdaıdy kim turaqsyzdandyryp otyr? atty maqaladan oqyńyzdar.
Aldaǵy 14 mamyrda «Bolashaq» baǵdarlamasy boıynsha shetelden bilim alamyn deýshilerden ótinish qabyldaý bastalady. Bıyl memleket qazynasynan osy baǵdarlama úshin 15 mlrd teńge bólindi. «Bolashaq» baǵdarlamasy boıynsha úmitkerlerdi irikteýde aıtarlyqtaı ózgerister engizildi. Máselen, bıyl alǵash ret pedagog, dáriger jáne ınjener-tehnık mamandar shetelde taǵylymdamadan (stajırovka) ótetin boldy. Bul týraly keshe Halyqaralyq baǵdarlamalar ortalyǵynda ótken baspasóz máslıhatynda aıtyldy. Al bıyl atalǵan baǵdarlamamen qansha adamnyń shetelge jol tartatyny 11 sáýir kúni ótetin Kadrlardy shetelden daıarlaý jónindegi respýblıkalyq komıssııanyń otyrysynda aıqyndalmaq. Atalmysh másele jóninde «Aıqyn» basylymynyń búgingi sanyndaǵy «Bolashaqpen» barǵandar, shetelde endi qalmańdar!» attymaqaladan keńirek bilýge bolady.
***
Bıylǵy jyldyń mamyr aıynda Astanada «Beıbitshilik pen kelisim» adamzattyń tańdaýy» atty taqyryppen IV Álemdik jáne dástúrli dinderdiń sezi ótedi. Atalmysh forýmdy halyqaralyq qaýymdastyq qazaqstandyq «noý-haý» dep atap ta úlgerdi. Shyn máninde dinge qatysty máselelerdi osynshama keń aýqymda talqyǵa salatyn jıyndardy áli álemniń birde-bir eli uıymdastyrmapty. Osy turǵydan alǵanda Memleket basshysy Nursultan Nazarbaevtyń bastamasymen uıymdastyrylyp kele jatqan Álemdik jáne dástúrli dinder sezi jahandyq mańyzǵa ıe. Atalmysh jıynnyń mán-mańyzy men onyń osy ýaqytqa deıingi qol jetkizgen jetistikteri, sondaı-aq jıynnyń bıylǵy jyly onyń qalaı uıymdastyrylatyndyǵy jóninde «Kazahstanskaıa pravda» basylymynyń búgingi sanyndaǵy «Chelovechestvo vybıraet mır ı soglasıe» atty maqalada tarata jazylǵan.
