Qorǵastaǵy shekaralyq saýda úlgisin ortalyqazııalyq aımaqtyq ekonomıkalyq yntymaqtastyq elderine taratý kerek - Bartolemeı Kamınskı
ALMATY. Maýsymnyń 28-y. QazAqparat /Erlik Erjanuly/ - Almaty oblysy Panfılov aýdanynda Qazaqstan men Qytaı arasyndaǵy shekaralyq saýdaǵa 3250 adam qatysýda. Ony Ortalyq Azııadaǵy shekaralyq saýda týraly arnaıy jazylǵan zertteý eńbegi avtorlarynyń biri Bartalomeı Kamınskı búgin Almatyda ótkizgen baspasóz máslıhatynda aıtty,
dep habarlaıdy QazAqparat.
«Shekaralyq saýdaǵa qatysýshylardyń aıtýynsha, olardyń árqaısysy taǵy 2-3 adamdy jumyspen qamtyp otyr. Jarkentte shekaralyq saýdaǵa eńbekke qabiletti adamdardyń 20 paıyzy tartylǵan. Salystyrmaly túrde aıtatyn bolsa, onda eńbekke qabiletti turǵyndardyń 10 paıyzy aýyl sharýashylyǵy ónimderin óńdeýde, 7 paıyzy ónerkásipte, 7 paıyzy aýyl sharýashylyǵy salasynda jumys jasaıdy. Al árbir altynshy turǵynnyń tirshiligi shekaralyq saýdadan alynatyn kiriske tikeleı táýeldi», deıdi B. Kamınskı. Onyń aıtýynsha, Panfılov aýdanynyń turǵyndary vızasyz bir kún Qytaıǵa kire alady. Sondaı-aq, quny 1 myń dollardan aspaıtyn 50 kıláǵa deıingi júkti kedendik alymsyz alyp júrýine múmkindigi bar. Kelisim boıynsha quny 10 myń dollardan aspaıtyn 10 tonnaǵa deıingi aýyl sharýashylyǵy taýarlaryn jáne 2 tonnaǵa deıingi ónerkásip taýarlaryn 17 paıyzdyq biryńǵaı mólsherlememen jeńildetilgen kedendik rásimdeýden ótkizýge bolady.
