«Qorǵastaǵy» Nurkent qalasynyń halqy 2030 jylǵa deıin 100 myńǵa jetedi
ALMATY. QazAqparat - Almaty oblysynyń ákimi Amandyq Batalov «Qorǵas» azat ekonomıkalyq aýmaǵyndaǵy Nurkent qalasynyń damýy týraly aıtty, dep habarlaıdy QazAqparat tilshisi.
«Jańa Nurkent qalasynyń egjeı-tegjeıli josparynyń jobasy ázirlendi. 2030 jylǵa deıingi jobalyq kezeńde turǵyndardyń sany 100 myńǵa jetetin qala ósýi qajet», - dedi Amandyq Batalov sheteldik dıplomattarǵa «Qorǵas - Shyǵys qaqpa» AEA-ny tanystyrý kezinde.
Onyń sózine qaraǵanda, qazirgi kezde jergilikti atqarý organdary jańa óndiris oryndaryn jumys kúshimen qamtamasyz etý úshin jumys istep jatyr.
Oblys ákiminiń aıtýynsha, «Qorǵasta» 10 myń jańa jumys ornyn ashý josparlanyp otyr, al olardyń otbasy múshelerin qosqanda bul shamamen 50 myń turǵyndy quraıdy.
Sondaı-aq ákimdik kolledjder men joǵary oqý oryndary arqyly qazaqstandyq jumysshylardy «Qorǵasta» jumys isteýge baýlıdy.
Eske sala keteıik, búgin sheteldik dıplomattarǵa «Qorǵas - Shyǵys qaqpa» arnaıy ekonomıkalyq aımaǵynyń áleýeti tanystyryldy.
