Qorǵastaǵy adam ólimine baılanysty qylmystyq is qozǵaldy
TALDYQORǴAN. QazAqparat - Qorǵastaǵy adam ólimine baılanysty qylmystyq is qozǵaldy. Qazir kúdikti retinde 1995 jylǵy azamat qamaýǵa alyndy, dep habarlaıdy QazAqparat tilshisi.
«QR QK-niń 99-babynyń 1-tarmaǵyna sáıkes qylmystyq is qozǵaldy. Kúdikti azamat Panfılov aýdanynyń turǵyny. Sotqa deıingi tergeý jumystary júrgizilip jatyr. Al 1992 jylǵy azamat Jarkenttegi aýrýhanaǵa jetkizilgende qaıtys bolǵan», dedi Almaty oblystyq ІІD baspasóz qyzmetiniń ókili Aıman Myrzekova.
Bul oqıǵa 4 maýsym kúni shamamen saǵat 16:00-de bolǵan. Eki azamat arasyndaǵy kıkiljiń beınebaqylaý kamerasyna túsip qalǵan. Qolyna pyshaqqa uqsas sýyq qarý ustaǵan jigit kelesi adamnyń keýde tusyna suǵyp alǵany anyq kórinedi. Qansyrap, qulap qalǵan azamatty janyndaǵylar qaýmalap, alyp ketedi. Jáne bul beınejazba áleýmettik jeli arqyly taraldy. Qaıtys bolǵan jigit te Panfılov aýdanynyń turǵyny. Oblystyq ІІD baspasóz qyzmetiniń ókilderi atalǵan qaıǵyly jaǵdaı Qorǵas shekara mańy aýmaǵynda bolǵanyn rastady.
