Qorǵastaǵy adam ólimi: Aıyptalýshy 9 jylǵa bas bostandyǵynan aıyryldy
TALDYQORǴAN.QazAqparat - Taldyqorǵanda Qorǵastaǵy adam ólimine baılanysty sot úkimi shyqty. Aıyptalýshy Dıas Káripjanov 9 jylǵa bas bostandyǵynan aıyryldy, dep habarlaıdy QazAqparat tilshisi.
Prokýrordyń sot zalynda aıtqan málimetine sáıkes, aıyptalýshy Káripjanov pen marqum Tólegenovtiń arasynda buǵan deıin birneshe márte kıkiljińniń bolǵany rastaldy.
Esterińizge sala keteıik, sot protsesi 22 tamyzda bastaldy. Alaıda aıyptalýshy oryndyǵynda otyrǵan Dıas Káripjanov taǵylǵan aıyppen kelispeıtinin jetkizgen bolatyn. Onyń sózinshe, Qýanysh Tólegenovti qasaqana óltirmegen. Jáne ol istegen áreketine qatty ókinetinin, qylmysyn jartylaı moıyndaıtyndyǵyn jetkizdi. 22 jastaǵy kúdikti QR QK 99-baby ıaǵnı, «Qasaqana adam óltirý» faktisi boıynsha aıyptalýda.
Aıta ketý keteıik, bul oqıǵa bıyl 4 maýsymda «Qorǵas» shekara mańy yntymaqtastyq halyqaralyq ortalyǵynyń aýmaǵynda boldy. Panfılov aýdanynyń turǵyny D. Káripjanov óziniń tanysy Q. Tólegenovpen ózara sózge kelispeı, onyń keýde tusyna pyshaq suǵyp alǵan. 25 jastaǵy azamat alǵan jaraqatynan Jarkenttegi aýrýhanaǵa jetpesten kóz jumdy. Adam óltirý oqıǵasy beınebaqylaý kamerasyna túsip qalǵan.
Sonymen qatar, Káribjanov marqumnyń týystaryna 2 591 200 teńge materıaldyq shyǵyn men 2 mıllıon teńge moraldyq shyǵyn ótep berýge mindetteldi.
