Qorǵastaǵy shekara syzyǵynyń ózgerýi selden qorǵaıtyn nysannyń qurylysyn keshiktirgen

ASTANA. KAZINFORM — Tótenshe jaǵdaılar mınıstri Shyńǵys Árinov Májilistiń jalpy otyrysynda Qorǵastaǵy shekara syzyǵynyń ózgerýi selden qorǵaıtyn nysannyń qurylysyn keshiktirgenin málim etti. 

Depýtat Arman Qalyqov mınıstrden byltyr vedomstvoǵa bólingen 8,1 mlrd teńgeniń nege ıgerilmeı qalǵanyn suraǵan.

— Shynymen de byltyr 8,1 mlrd teńgeni ıgermegen bolatynbyz. Onyń obektıvti sebepteri bar. Mysaly, byltyr 2,4 mlrd teńgeni qaıtarǵanbyz. Bul jerde Qytaı Halyq Respýblıkasymen shekarada, Qorǵasta selden qorǵaý ǵımaratyn salýymyz kerek edi. Byltyr demarkatsııalyq syzyqtyń koordınattarynda ózgerister boldy. Osy máseleler qurylystyń ýaqytsha toqtaýyna áser etti. Bıyl qaıta jandandyrdyq. Búkil másele sheshildi. Jyl aıaǵyna deıin aıaqtaımyz dep oılaımyn. Qazirgi tańda jumys 85 paıyzǵa oryndaldy. Jalpy qurylys 2013 jyldan beri júrip jatyr. Bıyl aıaqtaımyz, — dedi TJM basshysy.

Aıtýynsha, qalǵan 5,7 mlrd teńge memlekettik tapsyrystyń sapasyz oryndalýy kesirinen ıgerilmeı qalǵan.

— Qalǵan aqshaǵa kelsek, taýarlardyń tehnıkalyq sıpattamaǵa saı kelmeýi, kelisimshart mindettemesin oryndamaý sııaqty máseleler sebep boldy. Biz basty orynǵa sapany qoıamyz. Ol másele jeke baqylaýymda. Qazir sotta is qaralyp jatyr. Birqatar talap-aryz boıynsha jeńip shyqtyq ta. Sondyqtan bıyl da osyndaı jumysty jalǵastyramyz. Qarjynyń ıgerilmeı qalýyna jol bermeımin dep oılaımyn, — dedi Shyńǵys Árinov.

Al keshe, Qytaımen shekarada jańa aınalma jol salynatyny málim boldy.