Qorǵasta zańsyz ishimdik alyp ótpek bolǵan jigit ustaldy
ASTANA. QazAqparat - Qorǵasta shekarashylar zańsyz ishimdik alyp ótpek bolǵan jigitti ustady, dep habarlaıdy QazAqparat QR UQK ShQ baspasóz qyzmetine silteme jasap.
«Qorǵas shekaralyq baqylaý otrıadynyń jaýapkershilik aýmaǵynda ornalasqan Halyqaralyq shekara boıy yntymaqtastyǵy ortalyǵynda shekarashylar 25 aqpanda Ortalyq aýmaǵynan qaıtyp kele jatqan, shekaralyq tekserýdi ótip bolǵan 1989 jyly týǵan qazaqstandyqty ustady. Ol el aýmaǵyna 140 shólmek araqty (Qytaı ónimi) zańsyz ótkizbek bolǵan», - delingen habarlamada.
Dál osy shekara jasaǵy «Altynkól» keden beketiniń qyzmetkerlerimen birlese otyryp, saǵat keshki 18:00-der shamasynda 22 jastaǵy qazaqstandyq azamatshany ustady. Ol 1 myńnan astam kompıýterdiń, 333 dana smartfon dıspleıin zańsyz alyp ótpek bolǵan.
Aıta keterligi, demalys kúnderi bul otrıadtyń shekarashylary Ortalyq aýmaǵynan, ıesiz eki tonnadan astam halyq tutynatyn taýarlar men 1 tsentnerge jýyq qytaı dári-dármegin, 10 kg-ǵa jýyq uıaly telefonnyń jabdyqtaryn taýyp alyp, «Altynkól» keden beketine tapsyrǵan bolatyn.
