«Qorǵasta» shekarashylar qoıyn-qonyshyna 15 telefon jasyrǵan áıeldi ustady
ALMATY. QazAqparat - «Qorǵasta» shekarashylar 15 telefondy kıiminiń ishine jasyryp alyp ótpek bolǵan áıeldi ustady, dep habarlaıdy QazAqparat QR UQK ShQ baspasóz qyzmetine silteme jasap.
«Qorǵas» shekaralyq baqylaý otrıadynyń Halyqaralyq shekara boıy yntymaqtastyǵy ortalyǵyna qarasty baqylaý bólimshesiniń shekara jasaǵy baqylaýdyń barlyq túrin ótip bolyp, Qazaqstanǵa qaraı bet alǵan 1978 jylǵy qazaqstandyq azamatshany ustady.
Júris-turysy kúdikti bolyp kóringen azamatshany jeke alyp shyǵyp teksergen kezde onyń qoıyn-qonyshyna 15 dana uıaly telefon tabyldy», delingen habarlamada.
Zańsyz taýar aktilenip, «Altynkól» keden beketine tapsyrylǵan.
